الاثنين، 20 أبريل، 2015

ثلثي عذاب القبر . الغيبــة و النميمة !! هااااااام جدااا


ثلثي عذاب القبر . الغيبــة و النميمة !!

احنا ممكن ماناخدش بالنا في كلامنا كتييييييير

النميمة : انك تنقل كلام مابين الناس .. يا فلان ..دا علان بيقول عنك كذا وكذا
الغيبــة .إنك تتكلم عن حد في غيابه بما لا يسرّه (بصفة موجودة فيـــه على فكرة )تقدر تقول كدا في وشه ؟؟


آآه اقدر
طيب لو قولتها في وشه انت كدا بتنصحه وربنا يكرمك
انما ايه الفايدة من كلامك من ورا ضهره ؟
دا المُغتاب دا مسكييييين .. بيتسحب من حسناته على قد اللي بيتكلم عنهم
تخيلوا لو خلصت حسناته ؟؟؟ يتحط عليه من ذنوبهم
- نعوذ بالله -
طيب انا اغتبت ناس قبل كدا .. وندمت وعايز اتوب .. اعمل ايه؟ اروح اقول لهم اني اغتبتهم و اطلب منهم يسامحوني ؟؟
مش هقدر ....


- لا مش لازم .. في حل تاني
‫#‏الحل‬ انك تدعي للي اغتبتـه كتييير .. بحيث يوصل له من الحسنات بمقدار اللي كان هياخده من حسناتك
وبكدا تبقي كافئته .. وفي نفس الوقت نفدت بحسناتك 


ايوه هي الحسنات دي بنلاقيها في الشارع ؟؟ دا احنا تعبانين فيها يابا
وأصلاً ..الملايكة بتأمن على دعائك له ..وتقول : آمين ولك بالمثل
يعني كمااان هتطلع كسبان بزيادة من الليلة دي
وياريت تحاول تمدحه -بما فيه من خير- عند نفس الناس اللي اغتبته معاهم 


-----------------

وانتِ يا اخت ياللي قاعدة في مجالس النساء -اللي للأسف معظمها راس مالها الغيبة والنميمة-
دورك كبيييير في انك تمنعي الكلام دا .. و تبقي هيئة الأمر بالمعروف و النهي عن المنكر
لما تلاقي واحدة بتغتاب أو بتنمّ .. وقّفيها عند حدها ...
"جزرة و قطمها جحش "

لو سمحتِ يا فلانة .. اللي بتتكلمي عنها دي مش موجودة معانا وكدا احنا بنغتابها ..مش ناقصين ذنوب الله يسترك
ايوه اقفليها كدا دا عذاب قبر يا امي هو حاجة سهلة ؟



اللهم احفظ ألسنتنا .. واجعل قبورنا روضة من رياض الجنة
اللهم اغفر لنا ولمن اغتبناهم ..اللهم اغفر لنا ولهم .. اللهم اغفر لنا ولهم
اللهم اجعل كتابي في عليّين واحفظ لساني عن العالمين

1 تعليقات so far

اللهم اغفر لنا و لكل من له حق علينا و عافنا و اهدنا سبيل الرشاد


التعبيراتالتعبيرات